Званне прысвоена: 1903 г.

Карасік Зельман Янкелевіч (? – ?), гродзенскі фотамайстар, ганаровы грамадзянін г. Гродна (1903). Паходзіць з гомельскіх мяшчан Магілёўскай губерні. Да 7 ліпеня 1887 года ўтрымліваў фатаграфію ў г. Сакулка Беластоцкай вобласці Царства Польскага. 30 верасня 1886 года (па старому стылю) адкрыў фотамайстэрню ў г. Гродна. У 1901–1902 гадах фотамайстэрня размяшчалася на вуліцы Саборнай у доме Каплана (зараз Савецкая, магазін «Оптика»), потым – на вуліцы Калажанскай (зараз Калючынская), потым – на вуліцы Іванаўскай (зараз Тэльмана). Губернскае праўленне выдала Зельману Янкелевічу спецыяльны дазвол на распаўсюджванне фатаграфічных выяў Гродна. Дзякуючы яму Зельман Янкелевіч выканаў фотакопію з рэпрадукцыі гравюры Г. Браўна і Гогенберга, прывезеную гродзенскім губернатарам Дз. М. Бацюшкавым.

Тагачасныя фотаздымкі размяшчаліся на цвёрдым кардоне вельмі добрай якасці. Дарэвалюцыйная фатаграфія – мастацтва фатографа, літографа і мастака. Самымі распаўсюджанымі былі фатаграфіі фармату Кабінетны («Cabinet-portrait») і Візітны («Visit portrait»). Паспартý для іх заказвалі ў друкарнях. Паспартý, на якія наклейваліся фатаграфіі, ўтрымлівалі звесткі пра фатографа, месцазнаходжанне фотамайстэрні, узнагародах на міжнародных выставах. У пашпарце або пашпартнай кніжцы грамадзяніна Расійскай імперыі не было асабістай фатаграфіі, таму ў паспартý часта завяраецца прозвішча ўладальніка, яго імя і імя па бацьку. Групавы фотаздымак каштаваў 1 рубель 50 капеек, шэсць штук «Visit portrait» 1 рубель 50 капеек, «Cabinet-portrait» 4 рублі за шэсць асобнікаў. Такія грошы маглі дазволіць сабе заплаціць заможныя гараджане, купцы, арыстакратыя, тэхнічная інтэлігенцыя, вайскоўцы.

У 1903 годзе быў узнагароджаны медалямі «За стараннасць» на Уладзімірскай і Станіслаўскай стужках.

У З. Карасіка была здольная вучаніца Ента (Яўгенія) Рашэйштэйн, якая атрымала атэстат і званне “жанчына-фатограф”.

Пляменнік З.Я. Карасіка таксама займаўся фотасправай. На жаль, не вядома яго імя, а ўвайшоў ён у гісторыю гродзенскай фатаграфіі як Карасік малодшы. Ён працаваў з 1901 года, атэлье знаходзілася на вуліцы Саборнай (Савецкай) у доме Яффэ. У 1906 г. Карасік малодшы быў узнагароджаны вялікім залатым медалём і ганаровым дыпломам на міжнароднай выставе ў Бруселі.

Паспарту фотамайстэрні З. Я. Карасіка.Гродна

Карасік Зельман Янкелевіч. Паспарту яго фотамайстэрні

Карасік Зельман Янкелевіч. Паспарту фотамайстэрні

Карасік Зельман Янкелевіч. Паспарту фотамайстэрні. З калекцыі Таццяны Окскай. Бланк, 1910 г.

Карасік З.Я. Адваротны бок паспарту фатаграфіі Васіля Малышчыка, 1911 г. З калекцыі Андрэя Кацюкевіча

Карасік З.Я. Адваротны бок фота Алены Арцышэвіч, 1900 г. З калекцыі Людмілы Анікінай (Арцышэвіч)

Ведамасць з фатаграфічнымі ўстановамі ў Гродзенскай губерні за 1889 г. Дакумент НГАБ г. Гродна

Дакумент НГАБ г. Гродна

KARASIK Z.J. Фото Венедикта Пе́сняка (дед Анатолия Михайловича Песняка, коренного гродненца). Гродно, конец ХIХ в

Карасік З.Я. Фото Людмілы Арцышэвіч, 1898 г.

Карасік Зельман Янкелевіч. Здымак фотамайстра

Карасік Зельман Янкелевіч. Здымак фотамайстра

Карасік З.Я. Фотаздымак Сажына Філіпа Карнілавіча. Пач. ХХ ст.

Карасік З.Я. Фота Алены Аляксандраўны Нікалаевай, 1900 г. З калекцыі Людмілы Анікінай (Арцышэвіч)

Карасік З.Я. Маладыя Клейтман Віктарына Аляксандраўна і Іван Мікалаевіч, 1904 г. Фота з калекцыі Алены Восіпавай

Карасік З.Я. Фотаздымак Кнотэ Элеаноры Якаўлены і Рудаміна Івана Міхайлавіча перад іх вяселлем. Гродна, 1898 г.

Карасік З.Я. Фотаздымак ганаровага грамадзяніна Гродна Кнотэ Якава Фёдаравіча. Гродна 1908 г.

Карасік З.Я. Фота Кнотэ Элеаноры Якаўлеўны - дачкі ганаровага грамадзяніна Гродна Якава Фёдаравіча Кнотэ. Гродна, 1890-я гг.

Карасік З.Я. Фота Кнотэ Антаніны і Вольгі (сядзяць) з іх сяброўкай. Гродна, 1900

Карасік З.Я. Палкавы святар Міхаіл Іванавіч Радугін, 1913-1914 г. Фота з калекцыі Таццяны Міцкевіч

Карасік З.Я. Задуменнасць, 1904-1906 г. Фота з калекцыі Тамары Юсціцкай. Кабінетны фармат

Карасік З.Я. Фота сям'і прадзядулі Юрыя Кірылава, зробленае фотамайстрам. 1911-1913 гг.